Եթե շուրթերը չորանում են և ճաքճքում. 168.am

Շուրթերը չորանալու հետևանքով ո՛չ միայն տհաճ տեսք են հաղորդում, այլև անհարմարություն են պատճառում, երբեմն նաև ցավի պատճառ դառնում։ Շուրթերի չորանալու ու ճաքճքելու հիմնական պատճառն օրգանիզմի ջրազրկումն է։ Fabiosa.com-ը գրում է, որ այս խնդրի պատճառ կարող են դառնալ նաև հետևյալ գործոնները.

• արևի տակ երկար ժամանակ անցկացնելը,
• քամու բացասական ազդեցությունը,
• նյութափոխանակության հետ կապված խնդիրները,
• մթերք, որը բացասական ազդեցություն է ունենում մաշկի վրա,
• կոսմետիկայի չարաշահումը,
• որոշ մաշկային հիվանդություններ,
• ծխախոտի օգտագործումը,
• ալկոհոլի չարաշահումը։

Շուրթերի չորության դեմ պայքարում կարող եք օգտագործել հետևյալ միջոցները։

Վազելին։ Սա անփոխարինելի միջոց է՝ շուրթերը խոնավացնելու, փոքր վնասվածքների ապաքինման և, նույնիսկ, մաշկի վերականգնման համար։

Մեղր։ Մեղրը խոնավացնող և հականեխիչ հատկություններ ունի։ Այն շուրթերին կարող եք քսել մաքուր ատամի խոզանակի օգնությամբ։ Թողեք 20 րոպե, ապա լվացեք ջրով։

Կակաոյի յուղ։ Կակաոյի յուղը խոնավացնում է մաշկը, վերականգնում բնական փայլը։ Այն հարկավոր է շուրթերին քսել օրվա ընթացքում երկու անգամ՝ առավոտյան և երեկոյան։

Հալվե։ Հալվեն խոնավացնող, հանգստացնող հատկություն ունի։ Պարզապես, հարկավոր է քամել հյութը և քսել շուրթերին։

Հարցեր, պատասխաններ, մեկնաբանություններ